Polo ao curry con piña

Imprimir

Pasos

• Cortamos a cebola en brunoise.
• Cortamos a peituga de polo en tacos de igual tamaño e engadimos sal e pementa moída.
• Pelamos a piña e quitamos o cañoto. Cortamos a piña en tacos de tamaño similar aos do polo.
• Quentamos un chisco de aceite nunha tixola grande ou nun wok.
• Cando o aciete esté quente engadimos a cebola e pochamos a lume medio con un chisco de sal.
• Cando a cebola este pochadiña engadimos os tacos de polo e subimos un pouco o lume para que queden dourados e non se cozan. Salteamos durante uns minutos.
• Engadimos a piña ao polo e a cebola e continuamos salteando.
• Cando vexamos que o polo e a piña están cociñados engadimos a nata e remexemos ben.
• Deixamos cociñar uns minutos a nata co polo e engadimos curry ao gusto e un pouco de cúrcuma.
• Cando a nata espese, apagamos o lume e reservamos.
• Coa axuda dun coador lavamos ben o arroz e escorrémolo. Isto permítenos quitar o almidón do arroz e que quede máis solto.
• Engadimos un chorriño de aceite nunha pota e cando este quente engadimos os allos pelados e cortados pola metade. Deixamos uns minutos mentras se douran os allos con cuidado de que non se queimen.
• Engadimos o arroz ao allo e refogamos uns minutos.
• Botámoslle auga abundante e deixamos cocer uns 10 ou 12 minutos aproximadamente até que o arroz esté no seu punto. Engadimos abundante auga xa que imos escorrelo despois.
• Escorremos ben o arroz co coador.
• Para servir no prato imos facer unha montañiña de arroz coa axuda dunha cunca. Para isto enchemos de arroz a cunca e prememos levemente. Viramos a cunca sobre o prato e sacudimos con cuidado para que se solte.
• Colocamos o polo coa piña e a salsa de curry aos pes do arroz. Por último podemos decorar a montaña de arroz con unhas follas de perixel por riba.