Pasteis de arroz

Escrito por el en Doces

Detalles

Racións

12 racións

Tempo

45 minutos

Os pasteis de arroz son un doce típico da cidade de Bilbao. Son similares aos Pastéis de Nata portugueses e aínda que levan o arroz no nome non o veredes nos seus ingredientes. Créese que a receita orixinal se facía con fariña de arroz e que logo foi substituida por fariña de trigo sen mudarlles o nome inicial.

ImprimirImprimir

Ingredientes

  • 1 lámina de masa follada con manteiga (260g)

  • 500 ml de leite

  • 125 g de azucre

  • 125 g de fariña

  • 3 ovos

  • 75 g de manteiga
    a temperatura ambiente

  • un chisco de manteiga
    para untar

  • MOLDE

  • Bandexa de forno
    para 12 magdalenas

ImprimirImprimir

Pasos

  • Imos empregar unha bandexa de forno para facer magdalenas con 12 ocos.
  • É necesario sacarmos a manteiga da neveira unha hora antes de cociñar para que se atempere. Comezamos botando nun cunco os ovos e o azucre e batendo cun batedor de globo eléctrico até que branqueen os ovos, aproximadamente uns 5 minutos.
  • Engadimos a manteiga a temperatura ambiente e continuamos batendo, se nos esquecimos de sacala antes da neveira podemos darlle un golpe de calor no microondas a baixa potencia.
  • A continuación engadimos pouco a pouco a fariña peneirada e seguimos batendo.
  • Cando teñamos a fariña ben integrada botamos tamén o leite pouco a pouco e batemos até ter unha mestura homoxénea.
  • Prequentamos o forno a 180º e untamos os ocos da bandexa de magdalenas cun chisco de manteiga.
  • Mentras se quenta o forno imos cortando a masa follada en círculos de tamaño un pouco superior aos ocos da bandexa. Colocámolos no molde coas mans e picamos a base cun garfo.
  • Botamos a mestura de ovos e leite nunha xerra e vertémola sobre os cestiños de masa follada. Non imos encher os ocos de todo para evitar que se boten por fora, deixamos uns milímetros de marxe. 
  • Cando o forno acade a temperatura metémos na bandexa do medio e deixamos uns 30 minutos. Os últimos 10 minutos podemos subir á bandexa de arriba se vemos que non se douraron o suficiente por enriba.
  • Pasado este tempo podemos picálos cun espeto, se sae seco é que xa están cociñados. 
    Retiramos do forno e agardamos un pouco até que arrefríen para desenmoldalos.
  • Finalmente colocámolos nunha rexa para que acaben de arrefríar. Podemos comelos así directamente ou cun chisco de azucre glas por enriba.